Raja Lumbangaol

lirik lagu raja lumbangaol.

si raja lumbangaol, siampudan ni toga marbun.
didok doi raja panganju, ai nang pe siampudan.
na lambas roha jala maol tarrimas, opputa parsadaan i.
paramak so balunon, parsakkalan so mahiang.
parpassa natimbo, jala parsopo na sio.

si raja lumban gaol naso hea lupa ditona.
ingot doi diakka poda jala togu di uhum.
parpadanan na mai raja sihotang, nang dohot situmeangi.
rasi rasa nuaeng, pomparan ni oppui tung so adong dope.
na mose sian padan i

onan bakkara do huta hatubuan na.
hutani oppui sitoga marbun.
laos disi do magodang oppui.
sitolu sada ama i.
oppu silumban batu dohot sibanjarnahor.
dohot oppu ta siraja lumban gaol i.

laos di bakkara do muse marhasohotan.
tu oppung boru i boru tumorang.
naserep roha do sinonduk nai.
natinodo nai tahe.
dua ma anakkon na dua namarsahala.
ronggur barita dohot tuan jolita i.

si raja lumban gaol parroha silimut ni pahu.
burju doi marsimatua jala burju marhela.
somba muse doi tahe marhula-hula.
jala elek marboru nang tu dongan tubuna.
sai manat doi tahe nang tu dongan sahuta.
sai marsaor doi tong tong.